The तातो Post, वैशाख १२ गते ।


हावाहुरीसंगै आएको अशिना (बरफ ढुंगा) वर्षाले धनुषाको बटेश्वर गाउँपालि १ चित्रपुरमा सबैको घरको छानो फुटेको छ । शुक्रबार दिउँसो परेको अशिनापानीले चित्रपुरको टाली भएको झण्डै साढे ३ सय घरधुरीको घरको छानोमा हालेको टालि फुटेर क्षति पुर्याएको छ ।
तीन।चार सय ग्राम तौलसम्मकोे अशिनाले चित्रपुरको सबै टालिको छानो भएको घरमा क्षति पुगेको स्थानीय धर्मानन्द महतोले बताए ।
चित्रपुरमा पर्ने झण्डै साढे ३ सय घरको छानो फुटेर क्षति पुगेको वडा नं. १ का वडाध्यक्ष शैलेन्द्र महतोको भनाइ छ ।
अशिनाले आँप खेतीमा पनि करोडौको क्षति पुर्याएको छ । चित्रपु आँप खेतीमा धनुषाको परिचित गाउँको रुपमा रहेको छ । यहाँबाट वर्षेनी पाँच करोड भन्दा बढीको आँप उत्पादन भइ निर्यात हुने गरेको वडाध्यक्ष महतोले बताए ।
आँपको मजरमा भर्खर टिकुला पलाएकै बेला आएको अशिनाले आधाभन्दा बढी आँपको टिकुला झारेर अढाई करोडभन्दा बढीको क्षति पुर्याएको उनको भनाइ छ ।

Leave a Reply

Your email address will not be published. Required fields are marked *